LU ZZU VIU VIU Si cunta e s'arraccunta ca c'eranu un maritu e 'na muglieri:
si vulianu bbeni chiossà di l'occhi di lu suli; allura chista si nn'innamurà di
lu parrinu! Comu si nn'innamurà di lu parrinu dici: Com'ha mma fari, pi
fari murì a to maritu? Comu ha mma fari? Ora tu ti ietti malata e ci dici ca cci
voli l'erba di la masticogna! Comu s'arricampa lu maritu: Ah ahi! Chi ha la muglieri? Vaiu a chiamu dici li medici di Palermu? Quali Palermu, tutti hannu vinutu li palermitani, n'hannu
vinutu di Sciacca di Giurgenti e un ci pò nenti! A chi cci pò la muglieri? Ci pò l'erba di la masticogna... A unn'è la muglieri dici? A Bulogna! Accravacca a lu mulu e parti. E scontra lu cumpari; comu
scontra lu cumpari: Cumpà, dici, unni stati iennu? Ah cunpari assatimi iri, ca vostra cummari 'sta murennu! Cumpà me cummari lu parrinu, dici, si godi!? A chi ssiti foddri? No no! L'onuri cci livati a me muglieri. Cumpà viditica un ci nni levu onuri a vostra muglieri, ca
viditica si liffia cu lu parrinu! Arriggirati! Arriggirati! Arriggirati! Arriggirà, quannu trova a lu parrinu intra la muglieri chi
facia: Sugnu assittatu nni 'ssa casciabbanca manciari e bbiviri e dormiri francu. E la muglieri: A mme maritu lu mannavu a Bulogna a cogliri l'erba di la masticogna e i sacciu ca nun torna! Allura lu cunpari : Arraggiuni aviti cumpari! Ora i vi pittu e cci iti! Lu pittà, a lu cumpari, di peddri di crastu, partì cu na
chitarra e va ddrà; dici: Comu si chiama? Zzu Viu Vi: tal'è facissi... Nonzi un nni vogliu limosina, vogliu quantu mi duna ca mi
curcu iusu nni la staddra. Parrì chiddru nni la staddra si voli curcà. Dunacci du sordi! Un nni voli sordi nni la staddra si voli curcà. E a faccillu scurà! Allura mentri cci scurava ddrani, lu parrinu mentri cantava: Sugnu assittatu nni 'ssa casciabbanca manciari e bbiviri e dormiri francu E iddra: A mme maritu lu mannavu a Bulogna a cogliri l'erba di la masticogna e i sacciu ca nun torna! E lu zzu Viu Vi: Ni 'ssa casuzza cci stava i, chi mali fici lu zzu Viu Vi! Acchianati zzu Viu Vi, acchianati! Nni 'ssa scala ci acchianava i, chi mali fici lu zzu Viu Vi! I che bella, lu parrinu cci facia, ora cantu i: Sugnu assittatu nni 'ssa casciabbanca manciari e bbiviri e dormiri francu A mme maritu lu mannavu a Bulogna a cogli l'erba di la masticogna e i sacciu ca nun torna! Tal'è che bella chista, a bbonu sugnu! Allura lu zzu Viu Viu si misi a manciari Nni 'ssu piattu ci manciava i chi mmali fici lu zzu Viu Vi Po stancà dici, mi nni vaiu a curcarimi iusu: Ni 'ssu littuzzu mi cci scurava i, chi mali fici lu zzu Viu Vi! -Iddru lassà li porti accussi, meru mezzannotti trasi e li
trova abbrazzati, pigglia la ccetta e li stiddrià a tutti du. Va nna lu frati dici: Vidica to soru è morta! Comu è morta? L'ammazzavu i! A pirchì? A c'havi lu parrinu! L'onuri a me soru livasti To soru avi lu parrinu! Quannu li i a bbidi lu frati: Tal'è lu cugnatu, nni
piggliammu unu l'unu e li iemmu a gghittari a lu ponti! Si nni carricaru unu l'unu e li ieru agghittari a lu ponti. Lu cuntu è lestu lu cuntu è finutu, un sacciu si a vatri v'ha piaciutu! |