So' mani 'un mulia ca era figlia di scarsi: Ma tu Riuzzu t'ha iri a piggliari a una ca uun'avi nenti!

Mamma dici, mi nnn'aiu 'nnamuratu, dici, è troppu bella!

Allura 'ssa picciotta si chiamava Lucia. 'Sta Lucia filava, era scarsuliddra e filava lu linu, piglià e 'stu Riuzzu, ca so' ma' un mulia, la smaccava: Lucia chi ffa fili?

Mah, dici filammu.

Un jornu cci i 'na zanna e ci dissi dici : Lucia dici dunami 'ssa cutra di 'ncapu lu lettu ca tuni t'è fari fà 'na bbona furtuna.

Ma me matri si un trova la cutra 'ncapu lu lettu comu iè fari!

Mà ddà 'ssa cutra di 'ncapu lu lettu ca tu t'ha piglià lu figiu di lu Re!

Chiddra mischina ci la detti ddra cutra cu l'adea ca s'avia piglià ddru figliu di Re.

Vinni sò ma: Unn'è la cutra?

Mi la tirà 'na zanna!

So' ma' chi cì avia di dì, 'na vota ca cci la livà!

Unni è 'sa zanna?

Chissacciu?! dici, spirì e i unni la vitti cchiù; mentri i ivu ddra intra si piglià la cutra.

Un ci cuntà lu fattu ca s'avia a piglià lu figliu di lu Re! Un ci cuntà nenti.

Lu Riuzzu la matina passava: Lucia chi affa fili?

Chiddra la zanna chi ci dissi: Tu c'ha diri accussì:

Allura dici 'sta picciotta a dirici accussì:

Lu figliu di lu re passava Lucia chi ffà fili?

Un jornu chissu si persuadì 'mpunatu di so' ma' e mannà pì 'na figlia di conti ca era ricca.

Piglia e dici so' mà: Tal'è lassala perdiri dici a Lucia, vidica c'è la figlia di lu Tiziu ca avi tanta robba, mannacci...

A sapiti ca chiddra era brutta e un putia affaciari?

Piglia e ci va 'stu picciottu: Avi 'na figlià?

Si haiu 'na figlia però tu l'ha bidi lu jornu ca ti scrivi e lu jornu chi ti spusi.

Eh dici ma si dici s'ordini, chiddru mischinu dici, va...

disegno di lucia

llura iemmu pi 'ssa muglieri di conti ca i nni Lucia: dici Lucia dici ma ffari un favuri: s'ha va scrivi me figlia e ti ci ha mettiri tu a la spaddra di Riuzzu, quantu vo ti dugnu!

Chiddra mischina ca era scarsa: A bbonu bbonu dici chi m'a va ffa, pi quantu mi cci mettu a la latata!

Allura di 'ssa picicotta chiddru si nni 'nnamurà: Oh, quant'è beddra, la stessa di Lucia è -Tuttu si putia figurà ca era Lucia!

Ma quant'è beddra! Ma quant'è beddra! Ma quant'è beddra! Ci squagliava a diri quant'era beddra!

'Nzumma si scriuveru, ficiru tanti cosi.

Piglia 'stu picciottu dici: Ma quannu l'è bbidi arrè?

Dici: Lu jornu ca ti mariti.

Ci iva chiddru; accura un 'ni l'ha vidia la zita chi ci avia i a fari?

Allura lu 'nnumani matinu piglia e smacca a Lucia chiddru: Lucia chi affa fili?

Camina scimunita ca i mi fici zzitu!

Chiddra era sicura di li fatti sò; chiddra ogni vota chi pssava:

Lu Riuzzu un si putia fa persuasu: Chi è babba?, babba è 'sta ppicciotta, dici babba è picchì i ora m'è mmaritari!

Piglia e la muglieri di lu conti cci va e ci dici: Lucia vidica ha stari tri iorna ora, t'ha curcari cu iddru, ti dugnu un miliuni, bastica tu ti curchi cu iddru pi tri iorna, doppu tri iorna tu un n'ha chi nni fari.

Vabbeni.

Ddra picciotta ci accunzintì: Ma sempri miu ha va essi lu Riuzzu, chiddra lasda è, ca chiddru 'un si la piglia, dici!

Ddra picciotta 'ntirnata cu lu figliu di lu Re, piglia e si nni i.

Comu si nni i pi tri jorna... Chiddra la stessa di Lucia è: chiddru cci stava niscennu lu senzu ca ci paria la stessa di Lucia; chi sapia ca Lucia s'avia a truvari nni li conti? un si ci avia truvari, a chissa d'iddru.

Iemmu ca si maritaru: a la sira si curcà cu Lucia ca s'apia ca era la figlia di lu Conti; 'stu picciottu s'addivirtì pi li fatti sò, stettri tri iorna ddra a ddivertisi cu Lucia. Ci dissi: Tal'è Ancilì, ca chiddra si chiamava Ancilina, stasira iemmu nni lu papà, ca cci dicu a la mamà ca pripara quarchi cosa ca stasira ci amma iri natri.

Vacci tu.

Ostramenti ca si nni i lu Riuzzu, la muglieri di lu Conti la mannà a Lucia!

La mannà e ci fici curcari a la figlia. Quannu s'arricampà: Oh beddra matri ca staiu murennu o beddra matri ca staiu murennu!

Ancilina chi ha?

Senza addrumari lu lustru! Senza addrumari lu lustru, ca ini m'accupu!

Comu a lu scuru t'è bbidiri, dici, chi ha ca iemmu a chiamari lu medicu? Chiddru chi sapia ca era chiddra!? Sapia ca era la muglieri chi si marità!

No pi ffauri, senza addrumari, senza addrumari!

Quannu chiddru la tocca e bbidi ca era tutta varbuta: A chi è dici armali cca, si i l'ha lassavu bbona dici ddra picciotta, ca è tuttu pilu!?

Quannu chiddru un nni potti cchiù addrumà: Ma tu me muglieri sini dici? Cu ti cci purtà cca?

Comu un sugnu...

A chi ssi foddri i a tia mi nguaggiavu dici?

I ma t'ha dari a chiddra dici chi mi maritavu!

'Nzumma sciarri cu lu soggiru, cu la soggira, comu ci l'avianu a ddà ca chiddra unn' era Lucia!

Si sparteru chiddri e si la tiniru intra; ddru Riuzzu si nni i nni sò patri!

Comu si nni i nni sò patri ddru Riuzzu passava la matina: Lucia chi affa fili?

lu figliu di lu re maritu miu!

Dici ma i un ci pozzu capiri comu mi ngannaru!

-A sapiti ca la luna ia criscennu! Crisci oi, crisci dumani...

Chiddru dici: A mmia pi pari cosa mmruggliata; c'eppuri ca era chista chiddra chimi curcavu i? Allura piglià 'sta picciota a li novi misi appi n'addrevu!

Comu appi ddr'addrevu lu signali di lu Re cu la stiddra 'n frunti!

Piglia la matina passa ssu Re e vitti ca Lucia un c'era a l'affacciu, e ci dissi a sò mà: Unn'è Lucia?

Lucia appi un picciliddru e iè to!

Comu dici miu!?

Tal'è trasi!

Quannu i a bbidi 'na stampa iddru e la cruci 'n frunti di lu Re, mischinu ssi nni i nni sò matri!

Abbrazza a ddr'addrevu, abbrazza a Lucia.

Mà!

Chi bo?

Me muglieri la truvavu.

Comu la truvastii a to muglieri?

Dici, la truvavu a chiddra chi mi spusavu! Lu sapi ca è Lucia? Appi un picciliddru e iè miu!

E nutuli ca faciti battaria. Mi la staiu iennu a piglià cu la machina (anacronismo-carrozza) ca i mi l'è purtari intra dici -Ma n'avota ca era d'iddru!

A Lucia si la purtaru ccu ddr'addrevu!

Ma di maritati eranu maritati, lu nomu un n'era iddru!

Chi bulistivu ddrocu!

Cchiù cuntentu di ddru Re un c'era nuddru. Lu soggiru, la soggira, po' ci cuglieru l'affezzioni ca sapennu ca era la muglieri di chiddru.

'Sta picciotta cuntenti vidè.

Po': Mammà lu vattiammu 'stu picciliddru?

Ma vattiammulu?

Ma chi bbulistivu, ddrocu: quant'aggennti: cu cci iva pi canuscili, cu cci iva pi un cuntu cu cci iva pi n'atru... i dissi: Ora ci vaiu vidè; ahhiavu du tarì, unu lu persi, l'atru mi cadì.