Si cunta e s'arraccunta ca 'na vota c'era un conti c'avia 'na figlia fimmina.

'Sta figlia fimmina la 'nchiuì nni 'na casa. Ora addrà banna allimmitari cu ci stava lu Re!

'Sta picciotta si nn'innamurà di 'stu figliu di Re.

Comu si n'innamurà di 'stu figlu di Re, lu putia vidi ca iddra era cunnannata ddra 'nchiusa! Un putia nesci ddra mischina.

Si misi a rascari a rascari a rascari, cu u' murtareddru fina ca pircià ddru muru.

A la sira ddra si cci iva a scurari ddru figliu di Re. Comu si cci ia a scurai, ddra picciotta ci misi un tiluni, pi unni lu fari addunari a ddru figliu di Re.

Allura 'na notti si cci i a curcari 'nzemmula. Comu si ci i a curcari, si c'abbrazzà.

A cca signurina è! -chiddru-, ma d'unni trasì 'sta picciotta?

Allura piglia e ci 'ncuddruria li trizzi 'nta lu vrazzu - c'avia li trizzi-.

'Sta picciotta comu avia d'agghiurnari, pi li fatti sò, si 'nnavia di iri, n'eca putia stari ddra; piglia chiddra: Si m'arriminu, dici, chiddru s'addriviglia. Piglia e si taglià li trizzi: e ci li lassà.

La matina comu ci lassa li trizzi, pigglia e lu cunta a sò mà: Ma, stanotti avia 'na fidanzata!

Comu 'na fidanzata, dunni ti trasì?

Ma i un nni lu sacciu! Sa tal'è, haiu 'sti beddri trizzi, dici.

A tal'è la mamà c'ha ffari, dici: siddru iddra veni arrè tuni la cammisa

chi si leva piglia e cci la 'nfili intra la zaxarana, ca si vagna e un un si la pò mettiri!

Allura 'sta mischina a la sira piglia la tana e ssi nni va arrè ddrani. Comu si nni va ddra arreni piglia la cammisa e la vagnani, chiddru, cu la zaxarana. Ddra picciotta ci paria ca un si nn'avia di iri a iddru: 'Na vota ca un n'havi la cammisa un si nni va!

'Sta signurina piglià e si nni i, arrivata a l'orariu.

E ci lu cunta a sò mà, dici: Ma, chiddra si nni i!

E la mamà ca ffari: metti n'apocu di nuci casa casa, iddra si struppia li pedi dici quannu si nni và e tu la battaria la senti e l'aggrampi e bidi dunni trasi e dunni nesci.

'Sta picciotta adasciu adasciu, quannu parsi ad iddra avanzi c'aggiurnà si nni i; piglia ca fici lu largu nni ddri nuci e si nni i.

La vitti chiddru? U' nni la vitti dunni pigliava!

Pigliammu a 'sta signurina ca lu nnumani arsira cci i arrè.

Pigla e sò mà ci dissi: Piglia l'aneddru, ci 'mpili lu itu to e lu itu sò, ca comu s'arrimina dici pi irisinni...

Ci detti l'aneddru granni sò mà, quantu ci iva lu itu di la fidanzata e d'iddru.

Vabbeni; quannu s'abbrazzaru cussini, piglia lu itu di chiddra e lu itu d'iddru e si li 'mpilaru nni ddr'aneddru.

Chiddra facia: Ma comu iè fari? Piglia e si taglia lu itu -ddra picciotta.

Comu si taglia lu itu, cci i cchiù pò? 'Nzumma 'sta picciotta funi 'nchissa c'appi du picciliddri!

Com'appi ssi du picciliddri pigliaru e li misiru 'nmezzu la strata: cu si li putia ia a canusci si li ia a canusci, 'st'addrevi.

Tutti, lu bbbannu ittatu, ca ci avia essi ddra giostra di ddri picciliddri.

Piglia iddra a lu frati ci dissi dici: Senti i 'ntisi lu giurnali (anacrinismo: lu vanniu) ca oi c'è 'na giostra di du picciliddri; -n'eca ci dissi ca eranu d'iddra ddr'addrevi, ca iddra comu l'accattà li i a metti nna lu Re, a la notti, ddr'addrevi.

Eh ca iri caminannu!

No mi ci ha purtà!

'Nzumma lu frati si cci ruppi lu cori: Ma però, dici. t'ha bbeni a 'nchiui arrè ccà.

Dici: Si, mi vegnu a nchiui arrè ccà.

Allura 'sta picciota quannu arrivà ddrani accumincià a ffari:

Quannu chiddru lu Re 'ntisi diri "Figli, figli!", allura iddra iè la mamma!

Piglià è ini 'stu Re, pi la signura -Era signura nunn'era signurina, appi li figli!- Piglià e ci dissi dici: Scusa dici, ca lu frati la vulia magagliari, scusa, dici, briogna nun è figlia di Conti e muglieri di Re!

Perciò to soru acchianà, neca scalà, dici, neca scinnì lu scaluni; si scinnia lu scaluni dici, acchianari i!

Chi ci avianu di fari lu patri e lu frati quannu pò si vittiru custritti; si la piglià e si la purtà 'n Palazzu Riali, chiddru, la muglieri, ca era beddra!

Arrivata 'n Palazzu Riali l'avia di vattiari 'sti picciliddri; e si fici li cumpari e accuminciaru a vattiari.

Ostramenti dici un nni putemmu 'nguaggiari, dici, vattiammu e nni 'nguaggiammu!

E dici, 'nguaggiammuni. E ssi 'nguaggiaru.

-Chi bbuliti cosi nni spinneru, cu spinnia cosi di ddra, cu spinnia cosi di ccà; dissi ma ora cci vaiu: axxiavu du tarì, unu lu persi l'atru mi cadì.