Chiddru Ciccareddru pigliava sordi e purtava a cafè: a un patri guardianu e a un capitanu un ci li purtava a cafè; a tutti purtava a cafè 'nforchi di chiddri.

Allura 'na sira dici: Ciccareddru, vidica a mma iri arrubbari.

E unn'ecchi dici vossia. Chiddru accura era lu garzuni.

Allura avianu a iri arrubbbari n'Acellu chi cantava e sunava.

Comu arriva Ciccareddru ddra intra si sfirrià, accura lu patruni un c'era, e si chiuì l'uncantisimu!

Mi stava facennun muriri, dici, chistu; lu 'ncantisimu si chiuì! E si nni i.

Ciccareddru unn'è l'acellu?

'Un nni lu potti piglià c'avia pitittu! -Un ci lu dissi ca si chiuì l'uncantisimu.

Dumani arsira ci iemmu arrè; lu nnumani arsira si parteru e cci ieru.

Chiddru accorpu un sasdu arrivà cca intra, l'acellu unni iera ddra intra! Comu nesci lu ncantisimu si chiu'. Mi stava facennu murì 'stu crastu! E si nni i. Ciccareddru unn'è l'acellu?

Un nni lu potti piglià dici c'avia pitittu! Un ci la detti la sazzia a diri si chiuì lu purtuni. Allura lu nnumani arsira trasì ddra intra arrè ad un sasdu aggrampà ddr'acellu e si lu purtà, ma ci 'mpincì lu garruni ca si chiuì lu 'ncantisimu. Ci 'mpincì lu garruni e ssi nni taglià tanticchia.

Mah! è nesci di cca! Si lu taglià e ci affaccia lu sangu e ddr'acellu cci lu 'mpiccicà!

Dici, Un ti scantari. Tuttu attintari, forchi di lu me cantu!

Comu arrivà nni lu patruni: Ciccaredru...

I pitittu aiu ed è manciari.

E ddr'acellu cantava. E arristà fattu din marmaru lu patruni -Ca dracellu ci lu dissi vidica s'attenti lu me cantu resti fattu di marmaru!

Comu ristà fattu di marmaru ddru patruni, iddru ristà patruni e domini; grana n'avia arrubbati n'achiddra. Allura 'stu picciottu, tanti li grana c'avia, purtava a tutti a cafè: a ddru patri guardianu e a ddru capitanu un ci li purtava ma!

Ddru patri guardianu e ddru capitanu ieru arricurriri nna lu Re: Maistà, c'è unu ca grana nni sparda n'achiddra; è un pocu latru, tutti ssi sordi unni l'ava iri a truvà?

Allura comu è accussi piglia e Ciccareddru i nni lu Re.

Ciccareddru tu ti fidi a iri arrubbari la jumenta a la scuteria mia?
C'eranu vinti surdati ddra chi la guardavanu!

Ah comu l'è i arrubbà dici ca Vossia ci avi li surdati?

No tu ti fidi!

Allura ddru Ciccareddru si nni i a chianci nni l'acellu. L'acellu ci dissi: Babbu camina, va nna li monaci, ti fa dari vinti tonachi e centu litra di vinu alluppinatu e quattru litra pi ttia senza l'oppiu.

Dici: Vabbeni. I nta li monaci dici: Ma t'à 'mpristari tanti tonachi dici ca vi li pagu.

Ci li pagà quant'è dè dè e i nna l'acellu ca cci dissi: Ciccareddru vidica ti nna iri a iri a la scutaria. Iddru ci arrivà vistutu di monacu e chiuvia.

Eh fratellu, dici, agghiri cca?

Ah surdati, dici, mi facistivu alluggiari cca dici ca chiovi? -E chiddru vivia.-

Oh fratellu dici dunanni techia di vinu ca stammu murennu di lu friddu, ca la nivi....Piglia e ci detti ddru vinu alluppinatu; comu cci dava ddru vinu alluppinatu sibbidi: tum, tum, cu cadia di cca, cu cadia di ddra.

Piglia c'era chiddru accavaddru a la iumenta: A mia un mim nni duni disgraziatu?

Inchì 'na cannata china china, si la vippi tutta e cadì di la iumenta. Comu vustà li vistì a tutti di monaci e a cu cci taglià tecchia di nasu, a cu cci taglià tecchia di funcia, a cu l'ogricchi e li vistì, e i nni lu Re: Vah maistà cca cc'è la iumenta.

Figli di porca buttana a ddri surdati chi facianu? Pigliani dici: Basta ora ti criu! Ciccareddru ti criu!

Ora a iri a pigliai la cutra ciancianeddri d'oru a lu capitanu -chiddru capitanu ca ci fici la spia-; piglia e ci dissi: A comu c'è i. Chiddru capitanu visatu ca appena cci iva ci avia a sparari.

La sira notti dici i n'a l'acellu arrè e l'acellu cci dissi: Un ti scantari, dici, va a lu campusantu, ti fa dari un mortu e ci l'appoi, dici, accussi, comu cci l'appoi tuppii e sduni, ca comu n'esci e piglia lu mortu tu cci va rrobbi la cutra, ca iddri l'annaddrivucà ddru mortu!

Allura chistu Ciccareddru chi fici? Piglià e ssi nni i a lu campusantu. Ci dissi dici: M'a t'ha dari un cadaviru ca i vi lu pagu quant'è dè dè. Si lu purtà tisu tisu, fici accussi e sdetti. quannu meru mezzannotti ci l'appuià darrè la porta e sdetti.

Piglia e chiddru cci spara: pom!

E comu cci spara vustà. Beddra matri comu iè fari ca l'ammazzavu! La muglierui ci dissi tal'è ora lu iemmu addrivucari nna lu iardienddru. Mentri lu ieru addrivucari chiddru crastu, la porta aperta, ci tira la cutra e ssi nni i nna lu Re.

Quannu arrivanu di ddra dici: Ma cca la cutra dici cca manca!

Eh a cchi ffa anniviscì ddru mortu? Ieru arrè nni lu iardineddru si misiru a scavari e la testa cci la sbifararu tutta a ddru mortu!

Ma la cutra cca manca! Lu nnumani lu Re: E bongiornu capitano ammazzamorti!

E figliu di buttiglia, allura mancu ammazzavu a Ciccareddru, dici, a li morti dici, ammazzavu!

Ora n'ha fari n'atra a lu patri guardianu.

Comu iè fari?

L'ha purtari cca dici.

Ma chiddru chiffà veni, dici?

L'ha gghià pigliari e l'ha purtari cca. Allura chi fici chistu: si misi a chianciri n'a l'acello. L'acello ci dissi: Zittuti, ora, dici, duna sordi a lu sacristanu, para la chiesa e ci ha diri cussì:

L'acello ci dicia tutti cosi. Allura i nta lu sacristanu -chiddu cu li sordi!-

Ciccareddru si misi darrè san Micheli Arcangilu:

Attintava lu patri guardianu: San Micheli Arcangilu! Cu tutti lu cori cci vegnu!

San Micheli Arcangilu! Cu tutti lu cori cci vegnu!

Si 'nfilà intra lu saccu, si lu carricà e si nni i; arrivata fora vitti n'apocu di vo.

A ddri corna corna pampiti pampiti. Ahi ahi!

Unni semmu iunti?

'Nta lu munti curnaru!

Assà cci voli avanti c'arrivammu a lu Paradisu?

Ih a camadora dici cci nni voli tempu!

Arrivà nni n'apocu di cuti, a ddri cuti cuti toton toton Aih aih; chiddru chi gridava: Unni semmu iunti?

'Nta lu munti Pitraru!

Assà cci voli avanti c'arrivammu a lu Paradisu?

Ih camadora dici cci nni voli tempu!

E c'arrivassi 'n Paradisu e c'arrivassi mortu!

Arrivà nni n'apocu di zzabbara -ca li spuntuna l'hannu tanti-, allura si misi a ddri spuntuna spuntuna: Aih Aih! Unni semmu iunti?

'Nta lu munti Spinaru!

Assà cci voli avanti c'arrivammu a lu Paradisu?

Ih camadora dici cci nni voli tempu!

E c'arrivassi 'n Paradisu e c'arrivassi mortu!

Arrivà 'nta la scala di lu Re. Tototon, tototon...

Unni semmu iunti?

A la scala di lu Paradisu!

Mischinu ittava vuci chiddru! E c'arrivassi 'n Paradisu e c'arrivassi mortu!

Dici, veru mezzu mortu arrivari. a c'arrivari vivu!?

Allura arrivà 'n 'mparadisu -iddru dicia- e chiddri ci avianu 'na vuteddra appizzata nun saccu, ca si l'avianu di manciari ddra vuteddra. Piglia cci i chiddru chi facia lu focu e ci la i appizzari a lu patri guardianu: Aih aih

Cca la vuteddra viva ieni, dici.

Chissu lu patri guardianu dici ieni!

Piglia lu Re ci dissi: Ora Ciccareddru la morti toni sta binennu! Tu n'ha fattu tri ora amm'ammazzaria a tia.

Ma Maistà, avanti ca m'ammazzati haiu n'acellu di billizza chi canta e sona, vi lu vulissi lassà pi ricordu.

E va piglialu!

Ma t'ha dda tri iorna di tempu, dici.

Ma vidica e un t'arricampi!!!

Vossia 'u' dubbitassi dici, tri iorna di tempu...

Si piglià tri iorna di tempu e si nni i ni l'acello: l'acello ci dissi: Stattentu, Ciccareddru, ca hannà muriri tutti e tu t'ha pigliari la muglieri di lu Re! Allura Ciccaredru si misi agghiri ddra e cci purtà ddr'acello ca era di billizza e lu Re ci dissi: Bah Ciccareddru attenta, dici.

No non pozzu attintari, dici, ca haiu pitittu ! E va mancia!

Comu attintaru ristaru fatti di marmaru! E mureru tutti.

La muglieri di lu capitanu e la muglieri di lu Re gridavanu: I mi l'è piglià. No i mi l'è pigliri ca sugnu la Rigina.

Chiddra i mi l'è piglià e si lu piglià la Rigina a Ciccareddru!

Quannu si maritaru quantu cosi chi pottiru spenni ca i ci ivu vidè.

Ahiavu du tari: unu lu persi e l'atru mi cadì.