Un jornu lu maritu ci dissi a la muglieri: Marì chi ffà mi lu portu l'addrevu adifora -ca era tempu di pisari-.

Portatillu, dici, ma stà attentu a lu fossu.

Ci finì l'acqua e lu mannà a inchiri lu bummuliddru; strata facennu lu ruppi e si scantà: Ora me parrastru, dici, mazzati mi duna, dici, i un ci vaiu cchiù.

Allura si misi a caminari; camina ca ti camina, camina ca ti camina, arrivà nni 'na chianura e c'era 'na casa unni cci stava un vicchiareddru. Ninu si firmà ddrà e ci cuntà 'nzoccu ci avia capitatu.

Resta cu natri ca a la morti su tutti così tò. -Avianu casi tirrena, 'na scecca, gaddrini e crapi-

E si mossi. Appena arrivà a sidicianni ci annuià, piglià dudici gaddrini e lu gaddru tridici e si misi a caminari; a lu chianu di lu Liuni 'ncontra un muntanaru.

Zi, unni iti?

Staiu iennu a Palermu a purtari lu frummentu a li patruna.

I vidè, dici, a vinniri ssi gaddrini.

E parteru 'nzemmula.

Arrivata a Palemu chiddru cci dissi dici: Cca nni spartemmu e cca nna mma icari.

Ma a Ninu ci ristarui a vinniri 'na gaddrina e lu gaddru e si misi a caminari.

Ostramenti affaccià un galantomu e ci dissi: Attì ti vò addruari.

Sa scinni, dici, ca nni mittemmu a prezzu.

Chiddru ci dissi: Un annu un misi ed un jornu cumannu i, e tri iorna cumanni tu: te li chiavi cca c'è frummentu, sordi, ca cci su li vestii.

Tri iorna prima Ninu ci dissi: Sur patruni, ora tocca a vossia.

E lu patruni ci dissi dici: Piglia 'na pezza di tumazzu, 'na furanata di pani, un xiascu di vinu, quattru vestii, un cavaddru, ca a lu matinu a mma partiri.

La matina pristuliddru si misiru a caminari, camina ca ti camina versu li novi ci dissi: Ni ammà manciari? Scinneru e manciaru.

E Ninu fici unn signali unn'ecchi si firmaru.

Versu mazziornu la stessa discussioni.

Arrivaru a ripa di mari: Ni, dici, sbardeddra 'ssi muli e piglia 'ssu cavaddru, scannalu e ti cci cusi ddra intra ca ora vennu quattru e ti portanu nni ddra petra 'n mezzu lu mari: 'ssa petra è tutta sordi, tu iettali e po ti cusi arrè ca vennu quattru e ti piglianu. E cussì fici: si cusì arrivaru quattru corbi e si lu vularu ddra.

Lu 'ncantisimu era ca unu avia ristari ddra 'mpinculatu.

Lu patruni lu lassà e partì.

Appena scurà Ninu cu lu cutiddruzzu scusì ddra panza di ddru cavaddru e niscì, si misi a rascari ddra muntagna e fici un pirtusiddru e vitti ca c'era terra; si cci 'nfila e arrivà nni un jardinu cu 'na casa.

Si misi a chiamari "Oh zzi !"

Cu iè ddrocu! Ci arrispunnì un vecchiu.

So' niputi sugnu!

Ah, menu mali ca mi dicisti me niputi, dici, mannò ti manciava ! -Era lu ddrau!-

Nun ti scantari dici; piglià 'na padiddrata di sazizza e lu fici manciari e pò ci dissi un n'ecchi avia a dormiri.

Doppu unn annu ddru vecchiu ci dissi: Ni ti vo maritari?

A unni su li fimmini cca?

Oh babbu, li vidi tutti 'ssi palummi ca si vennu a sciaqquarianu nni 'ssa gebbia? Chissi tutti fimmini su!

Dumani a mazziornu tu a diri accussì:

Tu ha bbidiri la cchiu beddra chi cc'è, comu iddra si leva la cammisa tu cci l'arrobbi ed è to muglieri!

E accussì fu.

Appena si i a sciaqquariari e niscì un truvà la cammisa e si misi a gridari: La cammisa vogli, la cammisa vogliu!

Doppu un annu si nni ieru a lu sò paisi: pigliaru quattru vestii, sordi, bianchiria e parteru. Si purtà vidè ddra cammisa. 'Sta attentu però c'a cci ava essiri tradimentu! Ci dissi ddru vecchiu ddrau.

Arrivaru a lu paisi, a la punta di la Piatà, e spià pi sò matri e la truvà, e ccu ddri sordi ci accattà un palazzu.

Ci dissi a sò mà: 'sta cammisa, dici, sa la va metti 'n'un fumaloru, ca i è iri a Prizzi accattari n'apocu di pecuri e di crapi ca me mettiri 'na massiria; sa 'sta attenta e cci duna 'ssa cammisa?!

Accattà pecuri, vacchi, crapi, ma ostramenti...

So' muglieri avia tri iorna ca un manciava ca vulia ddra cammisa; a sò mà ci facia pena e ci la detti...

Tuttu 'nzemmula scumpareru tutti cosi; di ddra stessu Ninu dissi: Tradimentu ci fu! Ora vaiu a Palermu arrè nni chiddru.

S'addruà, doppu un annu un misi ed un jornu la stessa cosa, parteru e arrivaru a la prima petra e Ninu ci dissi dici: Sur patruni manciammu?

E lu patruni pinzà: Nuddru mi l'ha dittu cca, dici, chi è magaru?

Camina ca ti camina a la secunna petra arrè! Arrivata a ripa di mari scanna un cavaddru si cci cusi ddra intra e quattru corbi lu purtaru ddra 'ncapu. Ninu stavota ci ittava ossa di cavaddru e no sordi e lu patruni ristà 'ncantatu ddra!

Ninu appena scavà e fu iuntu ddra sutta si misi a chiamari arrè.

Oh fissa, dici, un annu avi to muglieri ca si sciaqquaria -ci dissi lu ddrau, 'sta vota appeni cci pigli la cammisa i priparu lu focu e l'abbrusci

Lu nnumani a mazziornu:

Cristianu sugnu e frummicula mi fazzu, sutta 'na rosa!.

Ci piglià ddra cammisa e l'abbruscià: a ddra palumma cci finì lu 'ncantisimu e si mairtaru e ssi vasaru.

Si nni vozziru iri a lun paisi, si purtaru sordi biancheria, quattru vestii e parteru.

Ieru a truvari a sò matri e s'accattaru un palazzu.

Chiddri si maritaru filici e cuntenti e n'atri ristammu ccà senza fari nenti.